აჭარა. 27 მაისს, პირველად ბათუმში გაიმართება European Students For Liberty-ს ბათუმის კონფერენცია, რომელსაც უმასპინძლებს კავკასიაში ყველაზე დიდი ახალგაზრდული ლიბერტარიანული ორგანიზაცია „ Georgian Students for Liberty”

ბათუმის კონფერენცია ESFL-ის მეოთხე კონფერენციაა საქართველოში. პირველი სამი კონფერენცია, რომელიც თბილისში ჩატარდა ყველაზე მასშტაბურ სტუდენტურ შეკრებებად ითვლება.

კონფერენციის ძირითადი ნაწილი დაეთმობა ისეთი კლასიკური ლიბერალური პრინციპების განხილვას, როგორებიცაა: ინდივიდუალური თავისუფლება, სახელმწიფოს როლი თავისუფალ საზოგადოებაში, თავისუფალი ბაზარი, ბიტკოინი და კრიპტოვალუტის მომავალი და სხვ. კონფერენციის სამუშაო ენა ინგლისურია.

კონფერენციაზე რეგისტრაცია უფასოა და შეუძლია ყველა უმაღლესი სასწავლებლის სტუდენტს შემდეგ ლინკზე...

კონფერენციის ფარგლებში სტუდენტებს ექნებათ შესაძლებლობა დასვან კითხვები და აქტიური მონაწილეობა მიიღონ დისკუსიაში.

წყარო: ორგანიზაციის ვებ-გვერდი სოციალურ ქსელში