„www.aa.ge - ახალი ვებ-პორტალი ასოცირების ხელშეკრულების შესახებ“
თბილისი. 25 ივნისს, საქართველოს პარლამენტსა და ფონდ „ღია საზოგადოება - საქართველოს" შორის ურთიერთთანამშრომლობის მემორანდუმი გაფორმდა, რომლის თანახმადაც პარლამენტს მართვაში გადაეცა ფონდის მიერ შექმნილი ვებ-პორტალი www.aa.ge.
„ვებ-პორტალი საქართველო-ევროკავშირს შორის გაფორმებულ ასოცირების ხელშეკრულებას შეეხება და იგი ფონდი „ღია საზოგადოება-საქართველოს" ევროინტეგრაციის პროგრამამ მოამზადა რუმინულ ორგანიზაციასთან „რუმინეთის ევროპული კვლევების ცენტრი" თანამშრომლობით. პროექტის ფინანსური მხარდამჭერია რუმინეთის მთავრობა.
ვებ-პორტალის მიზანია, დაინტერესებულმა პირებმა მარტივად შეძლონ ინფორმაციის მოძიება იმ ვალდებულებების შესახებ, რომელთა შესრულებაც საქართველომ ასოცირების ხელშეკრულების შესაბამისად იკისრა", ნათქვამია ორგანიზაციის ვებ-გვერდზე.
წყარო: www.osgf.ge
