თბილისი. „საერთაშორისო გამჭვირვალობა - საქართველო" აგრძელებს ლობისტური საქმიანობისა და ამ მიზნით პოლიტიკური ჯგუფების მიერ გაწეული დანახარჯების შესწავლას.

კვლევის ფარგლებში ორგანიზაცია დაინტერესდა მთავრობისა და სხვადასხვა პოლიტიკური ჯგუფების მიერ ევროპასა და აშშ-ში მიღებული ლობისტური მომსახურებით.

„საქართველოში საზღვარგარეთ მიღებულ ლობისტურ მომსახურებაზე ინფორმაცია გაუმჭვირვალეა. მედიისთვის, საზოგადოებისთვის, პოლიტიკური თუ აკადემიური წრეებისთვის საქართველოს შესახებ

ინფორმაციის მიწოდებისა და საერთაშორისო მხარდაჭერის მოპოვებისთვის ლობისტური ორგანიზაციების დაქირავება მიღებული პრაქტიკაა, თუმცა ამ ტიპის დანახარჯებსა და მომსახურების შინაარსზე ინფორმაცია ხელმისაწვდომი უნდა იყოს," ნათქვამია ორგანიზაციის ვებ-გვერდზე.

წყარო: www.transparency.ge