PHR-ის წარმომადგენლები სოციალური საწარმოს დასაქმებულებს შეხვდნენ
თბილისი. PHR-ის წარმომადგენლებმა სოციალურ საწარმო "ბაბალეში” ახალგაზრდებთან სამუშაო შეხვედრა გამართეს. შეხვედრის მიზანს ინტელექტუალური განვითარების შეფერხების მქონე ადამიანებისთვის ანტიდისკრიმინაციული კანონით სარგებლობის გაადვილება წარმოადგენდა. შეხვედრას ესწრებოდა საქართველოს სახალხო დამცველის აპარატის წარმომადგენელიც, რომელიც მოზარდებსა და იურისტებს კანონის აღქმის გაადვილებაში ეხმარებოდა.
„კანონის არსებობა, ძალიან მნიშვნელოვანია მაგრამ არანაკლებ მნიშვნელოვანია, კანონის ეფექტურად გამოყენება სწორედ იმ ადამიანებმა შეძლონ, ვის უფლებებსაც ეს კანონი იცავს. ჩვენი იურისტებისთვის მნიშვნელოვანია, კანონი ყველა ადამიანისთვის გასაგები და ხელმისაწვდომი იყოს, მიუხედავად მათი განსხვავებულობისა თუ შეზღუდული შესაძლებლობისა", - აცხადებენ ორგანიზაციაში.
წყარო: ორგანიზაციის ვებგვერდი
