თბილისი. „პარტნიორობა ადამიანის უფლებებისთვის" აქვეყნებს მასალას ონლაინ რისკებისგან ბავშვების დაცვის თაობაზე.
„ონლაინ რისკებისაგან ბავშვებისა და მოზარდების დასაცავად ქმედითი ნაბიჯების გადადგმა თანამედროვე კომუნიკაციების სამყაროში მშობლების, მასწავლებლებისა და სახელმწიფოს მხრიდან ზრუნვის უმნიშვნელოვანეს ობიექტს წარმოადგენს. ინტერნეტი ყველაზე რთულად კონტროლირებადი სივრცეა და მისგან მომდინარე საფრთხეები იზრდება იმ გარემოების გათვალისწინებით, რომ ბავშვებსა და მოზარდებს ინტერნეტთან წვდომა არათუ მხოლოდ პერსონალური კომპიუტერით, არამედ უკვე მობილური ტელეფონებით შეუძლიათ, რასაც თავის მხრივ, ბევრი არასასურველი შედეგის გამოწვევა შეუძლია" - წერია მასალაში.
წყარო: ორგანიზაციის ვებგვერდი