საზოგადოებრივი ორგანიზაციები გენერალური აუდიტორის გადაწყვეტილებას ეხმიანებიან
თბილისი. საზოგადოებრივი ორგანიზაციების ნაწილი მიიჩნევს, რომ გენერალური აუდიტორის გადაწყვეტილება, თანამდებობიდან ორი მოადგილის გათავისუფლებასთან დაკავშირებით, პოლიტიკური მოტივაციის ეჭვებს აჩენს.
„აუდიტის სამსახური მისი ფუნქციებიდან გამომდინარე არასამთავრობო ორგანიზაციების ყურადღების ცენტრშია. ეს ინტერესი აუტიდის სამსახურის მიმართ განსაკუთრებით მატულობს საარჩევნო პერიოდში. აუდიტის სამსახურის საქმიანობიდან გამომდინარე მნიშვნელოვანია უპირველეს ყოვლისა, განაპირობებს გენერალური აუდიტორის და მისი მოადგილეების დამოუკიდებლობა პოლიტიკური პარტიების გავლენისაგან. ახალ გენერალურ აუდიტორს ბუნებრივია აქვს უფლებამოსილება, რომ მისთვის სასურველი მოადგილეები დანიშნოს, თუმცა ის ფაქტი, რომ გათავისუფლდნენ პოლიტიკურად ნეიტრალური მოადგილეები და თანამდებობა შეინარჩუნა მმართველ პარტიასთან აფილირებულმა პირმა, წარმოქმნის ეჭვებს გადაწყვეტილების პოლიტიკური მოტივაციის შესახებ", - ვკითხულობთ განცხადებაში.
წყარო: www.isfed.ge
