ტრენინგი ჟურნალისტებისათვის თემაზე: „უფლება უსაფრთხო სამუშაო გარემოზე“
თბილისი. 4 ოქტომბერს, საქართველოს სახალხო დამცველმა საინფორმაციო კამპანია „უსაფრთხო შრომის" ფარგლებში ჟურნალისტებისათვის ტრენინგი გამართა თემაზე: „უფლება უსაფრთხო სამუშაო გარემოზე".
ტრენინგზე სახალხო დამცველის პირველმა მოადგილემ ნათია კაციტაძემ საქართველოში უსაფრთხო და ჯანსაღი სამუშაო გარემოს უფლების, ზედამხედველობის განმახორციელებელი ორგანოებისა და მათი უფლებამოსილების, ასევე შრომითი მოვალეობების შესრულებისას დასაქმებულის ჯანმრთელობის დაზიანების ან გარდაცვალების შემთხვევაში პასუხისმგებლობის საკითხებზე ისაუბრა", ნათქვამია ომბუდსმენის ვებ-გვერდზე.
წყარო: www.ombudsman.ge
