თბილისი. საქართველოს ჟურნალისტური ეთიკის ქარტიის საბჭოს გადაწყვეტილებით ტელეკომპანიების „იმედის”, „რუსთავი 2-ისა” და „პალიტრანიუსის”, აგრეთვე ონლაინ გამოცემა „აქცენტის” ჟურნალისტებმა დაარღვიეს ქარტიის მე-8 პრინციპი. ეს პრინციპი ჟურნალისტს ბავშვის ინტერესების გათვალისწინებას ავალდებულებს.

„ოთხივე მედიასაშუალებამ მოამზადა მასალა რუსეთის მიერ ანექსირებულ ყირიმში არსებულ ბანაკში ქართველი მოსწავლეების მონაწილეობის შესახებ. ქარტიას მომართა ერთ-ერთი ბავშვის მშობელმა, რომელი მიიჩნევდა, რომ მასალაში ბავშვების იდენტიფიცირებით არასრულწლოვნების ინტერესი დააზიანეს”, ნათქვამია ორგანიზაციის ვებგვერდზე.

წყარო: ორგანიზაციის ვებგვერდი სოციალურ ქსელში