ცესკო-ს ხელმძღვანელი და წევრები სასამართლოში მოწმეების სახით დაიკითხებიან
თბილისი. თამარ ჟვანია და ცესკოს სხვა მოქმედი და ყოფილი წევრები სასამართლოში მოწმის სტატუსით დაიკითხებიან, - ინფორმაციას ამის შესახებ საქართველოს ახალგაზრდა იურისტთა ასოციაცია ავრცელებს.
„4 დეკემბერს, 11:00 საათზე, თბილისის საქალაქო სასამართლო განაგრძობს ცესკოს წინააღმდეგ ,,საქართველოს საარჩევნო ადმინისტრაციის პროფესიული კავშირის" 18 წევრის სარჩელის განხილვას", - ვკითხულობთ ინფორმაციაში, - „მოსარჩელეები სასამართლოში დავობენ, რომ 2016 წლის თებერვალში ჩატარებული კონკურსის დროს, ცესკომ საოლქო საარჩევნო კომისიების წევრებად მათ არჩევაზე უარი დისკრიმინაციული მოტივით (პროფესიული კავშირის წევრობის ნიშნით) უთხრა".
წყარო: ორგანიზაციის ვებგვერდი
