სამოქალაქო სექტორის წარმომადგენლები განათლების მინისტრს შეხვდნენ
თბილისი. ბავშვთა საკითხებზე მომუშავე საზოგადოებრივი ორგანიზაციების წარმომადგენლები საქართველოს განათლებისა და მეცნიერების მინისტს შეხვდნენ. შეხვედრა სკოლებში ძალადობასა და ბულინგს ეხებოდა.
საზოგადოებრივი ორგანიზაციები მიიჩნევენ, რომ არ შეიძლება ძალადობრივი ფაქტები ბავშვის უფლებებისგან განცალკევებით იქნას განხილული. მათი აზრით, სკოლებში ფსიქოლოგის ინსტიტუტის გაძლიერების პარალელურად, უნდა გაძლიერდეს ბრძოლა ოჯახში ძალადობის აღმოფხვრის კუთხით, გაიზარდოს სოციალური სამსახურების როლი, გაიმართოს არასრულწლოვანთა მართლმსაჯულების სისტემა და ბავშვთა ინტერესები ყველა სხვა მიმართულებით უნდა იქნას გათვალისწინებული.
წყარო: phrgeorgia.wordpress.com
