თბილისი. „ინფორმაციის თავისუფლების განვითარების ინსტიტუტი" (IDFI), ფონდ „ღია საზოგადოება - საქართველოს” ფინანსური მხარდაჭერით, "საკონსტიტუციო სასამართლოს დამოუკიდებლობის და გამჭვირვალობის ხელშეწყობის პროექტს” ახორციელებს. პროექტის მიზანია სასამართლოს საქმიანობის ზოგადი მონიტორინგი და შეფასება, ასევე, პროფესიული დისკუსიების ხელშეწყობის გზით, სასამართლოს შესახებ ცნობადობის გაზრდა საზოგადოებაში.

პროექტის ფარგლებში, 2017 წლის 11 აგვისტოს IDFI-მ საქართველოს საკონსტიტუციო სასამართლოს მიმართა 2012-2017 წლებში დასაქმებული თანამშრომლების და გაწეული სხვადასხვა ადმინისტრაციული ხარჯების შესახებ საჯარო ინფორმაციის მოთხოვნით. საკონსტიტუციო სასამართლომ კვლევის ფარგლებში მოთხოვნილი ინფორმაცია IDFI-ს სრულყოფილად მიაწოდა.

წყარო: ორგანიზაციის ვებგვერდი