„კოალიცია დამოუკიდებელი და გამჭვირვალე მართლმსაჯულებისთვის“ განცხადება
თბილისი. „კოალიცია დამოუკიდებელი და გამჭვირვალე მართლმსაჯულებისთვის" 2017 წლის 22-24 დეკემბერს ჩატარებულ საპოლიციო კონტროლის ღონისძიებას, ე.წ. საპოლიციო რეიდს განცხადებით ეხმაურება.
„2017 წლის 22-24 დეკემბერს ჩატარებული საპოლიციო კონტროლის ღონისძიების პარალელურად, არაერთი პირის მხრიდან გაჟღერდა ადამიანის უფლებების დარღვევის შესახებ ინფორმაცია. იკვეთება რამდენიმე შემთხვევა, სადაც შესაძლოა ადგილი ჰქონდეს სამართალდამცველი უწყების წარმომადგენლის მხრიდან ჩადენილ დანაშაულებრივ ქმედებას, ან დისციპლინურ გადაცდომებს", - ნათქვამია განცხადებაში, - „ღონისძიების ფარგლებში გამოვლენილი დარღვევები ნათლად ადასტურებს სამართალდამცავი სისტემის რეფორმის აუცილებლობას, რომლის მიზანიც უნდა იყოს პოლიციისთვის განახლებული ბუნების მინიჭება, რა დროსაც სამართალდამცავი იქნება მოქალაქის უფლებების დაცვაზე და მისი ნდობის მოპოვებაზე ორიენტირებული".
წყარო: ორგანიზაციის ვებგვერდი
