თბილისი. საქართველოს პოლიტიკის ინსტიტუტი (GIP) აქვეყნებს მიხეილ სარჯველაძის ბლოგპოსტს: ვინ და რატომ ითხოვს საქართველოსთვის უვიზო მიმოსვლის გაუქმებას?

ავტორის კომენტარის თანახმად, მცდარია ინფორმაცია, რომ თითქოს გერმანიის ფედერალური მთავრობა საქართველოსთვის ვიზალიბერალიზაციის გაუქმებას ითხოვს.

ინიციატივა დაკავშირებულია ნორდრაინ-ვესტფალიის მთავრობის ინტეგრაციის მინისტრის, იოახიმ შტამპის სახელთან. თუმცა, მინისტრის ეს პოზიცია უშუალო გავლენას ვერ იქონიებს გერმანიის მთავრობის პოზიციაზე.

მინისტრის მოთხოვნა დაკავშირებულია, თავშესაფრის მაძიებელთა რაოდენობის ზრდასთან. განაცხადების გაკეთების შემდეგ, განსახილველ დროს ქართველები კრიმინალური საქმიანობისთვის იყენებენ.

„საბოლოოდ შეიძლება ითქვას, რომ ქართველების მიერ გერმანიაში ჩადენილ დანაშაულთა რაოდენობა არ არის იმ განზომილების, რომ ის გერმანიის მიერ ვიზალიბერალიზაციის შეჩერების მოთხოვნის საფუძველი გახდეს. განსაკუთრებით უვიზო მიმოსვლის ამოქმედების შემდეგ ქართველებისთვის გერმანიაში ლტოლვილის სტატუსის მიღების შანსი მინიმალურია", ნათქვამია GIP კომენტარში.

წყარო: gip.ge