თბილისი. „ადამიანის უფლებების სწავლებისა და მონიტორინგის ცენტრი" (EMC) მისი და „საერთაშორისო გამჭვირვალობა საქართველოს" (TI) ერთობლივი კვლევის - „დემოკრატიული რეფორმები უსაფრთხოების სექტორში" - ძირითად მიგნებებს აქვეყნებს.

„შინაგან საქმეთა სამინისტროსა და უსაფრთხოების სამსახურის გამიჯვნა მნიშვნელოვანი და წინგადადგმული ნაბიჯი იყო. თუმცა, ამ რეფორმამ სამართალდამცავი სისტემის დეპოლიტიზირების, დემოკრატიული მოწყობის, ანგარიშვალდებულებისა და კონტროლის მყარი გარანტიები ვერ შექმნა. სახელმწიფო უსაფრთხოების სამსახურის დახურულობის პირობებში, პრაქტიკულად, შეუძლებელია მისი საქმიანობის ეფექტიანი მონიტორინგი და პრაქტიკაში გამოვლენილი ხარვეზების ანალიზი. სახელმწიფო უსაფრთხოების სამსახურში თავმოყრილია ჭარბი კომპეტენცია, მათ შორის, ისეთი ფუნქციები, რაც უსაფრთხოების სამსახურის ბუნებასთან შეუთავსებელია", - ასკვნიან ორგანიზაციები.

წყარო: https://emc.org.ge