თბილისი. „საერთაშორისო გამჭვირვალობა - საქართველოს" განცხადებით, ხულოს მუნიციპალიტეტი საჯარო ინფორმაციის პროაქტიურად გამოქვეყნების ვალდებულებას არ ასრულებს.

ორგანიზაციის მიერ ჩატარებული კვლევის მიხედვით, მუნიციპალიტეტის ვებ-გვერდზე (www.khulo.ge) დადგენილებით განსაზღვრული ინფორმაციის უმრავლესობა არ ქვეყნდება; მათ შორის: მუნიციპალიტეტში დასაქმებულთა ოდენობა, შესყიდვების წლიური გეგმა, ქონების პრივატიზაციის გეგმა, მუნიციპალიტეტთან დასაკავშირებული ელექტრონული ფოსტის მისამართი, ტელეფონისა და ცხელი ხაზის ნომრები, მერიის სამსახურების დებულებები, შემუშავებული სტრატეგიები, სამოქმედო გეგმები და ა.შ.

წყარო: ორგანიზაციის ვებგვერდი