სახელმწიფო რწმუნებულების ადმინისტრაციული ხარჯები 2017 წელს
თბილისი. "საერთაშორისო გამჭვირვალობა - საქართველო” წარმოადგინა ინფორმაცია 2017 წელს საქართველოს სახელმწიფო რწმუნებულის - გუბერნატორის მიერ გაწეული ხარჯების შესახებ. ინფორმაცია მოიცავს ცხრა ადმინისტრაციის მიერ გაცემულ შრომის ანაზღაურებას, პრემიასა და სახელფასო დანამატს, ასევე, ადმინისტრაციების მიერ სატელეფონო კომუნიკაციაზე, მივლინებებზე, საწვავზე, კვებისა და რესტორნის მომსახურებაზე გაწეულ ხარჯებს.
ორგანიზაციის დასკვნის მიხედვით, სამეგრელო-ზემო სვანეთის ადმინისტრაცია სახელფასო დანამატის გაცემის მაჩვენებლით კვლავაც პირველ ადგილზეა და ასევე, ლიდერობს გახარჯული საწვავის კუთხითაც; პრემიის სახით ყველაზე მეტი თანხა კახეთის ადმინისტრაციამ გასცა; რესტორნისა და კვების მომსახურებაზე კი ყველაზე მეტი ხარჯი იმერეთის ადმინისტრაციამ გასწია.
წყარო: ორგანიზაციის ვებგვერდი
