თბილისი. „საერთაშორისო გამჭვირვალობა - საქართველოს" ინფორმაციის თანახმად, ზესტაფონში ტენდერებს მერიის მაღალჩინოსნების კომპანია იგებს.

„ზესტაფონის მუნიციპალიტეტის მერიის მაღალჩინოსნებთან დავით მესხიშვილთან და თეიმურაზ წიწილაშვილთან დაკავშირებული კომპანია „ზესტაფონპროექტი" ზესტაფონის მერიის ერთ-ერთი მსხვილი კონტრაქტორია. დავით მესხიშვილის მამა ნოდარ მესხიშვილი აღნიშნული კომპანიის დირექტორი და 30%-იანი წილის მესაკუთრეა, თეიმურაზ წიწილაშვილი კი ამავე კომპანიის 40%-იანი წილის მფლობელი. ტენდერებში „ზესტაფონპროექტის" გამარჯვება კითხვის ნიშნებს იწვევს ინტერესთა კონფლიქტისა და კორუფციის რისკებთან დაკავშირებით და სათანადო რეაგირებას საჭიროებს", ნათქვამია ორგანიზაციის ვებგვერდზე.

წყარო: www.transparency.ge