ევროკავშირის რეგულაცია „სამშენებლო მასალების შესახებ“
თბილისი. ამ წუთებში, USAID G4G-ის ოფისში, ეკონომიკური პოლიტიკის კვლევის ცენტრის (EPRC) ორგანიზებით მიმდინარეობს საჯარო დიალოგის ფორმატის დისკუსია - ევროკავშირის რეგულაცია „სამშენებლო მასალების შესახებ."
„რეგულაციაზე მომზადდა პოლიტიკის დოკუმენტი, რომელიც მოიცავს დირექტივის არსს და მოსალოდნელ ცვლილებებს, მსოფლიოში არსებულ პრაქტიკას და სტატისტიკას, საქართველოში სამშენებლო სფეროში დღეს არსებულ კანონმდებლობას და პრაქტიკას.
შეხვედრის ფარგლებში, ეკონომიკური პოლიტიკის კვლევის ცენტრის ექსპერტები დაინტერესებულ მხარეებს აცნობენ კვლევის ძირითად მიგნებებს, შედეგებს და რეკომენდაციებს", ნათქვამია ორგანიზაციის ვებგვერდზე სოციალურ ქსელში.
წყარო: ორგანიზაციის ვებგვერდი სოციალურ ქსელში
