თბილისი. ტოლერანტობისა და მრავალფეროვნების ინსტიტუტი (TDI) აქვეყნებს ოქტაი ქაზუმოვისა და გიორგი სორდიას სტატიას: „რა უნდა ვიცოდეთ თანამოქალაქე ეთნიკური აზერბაიჯანელების შესახებ".

„ხშირად აზერბაიჯანელებს შეცდომით, უარყოფით კონტექსტში, „თათრებად" მოიხსენიებენ ხოლმე. ეს იმიტომ რომ საქართველოში მონღოლ-თათრების შემოსევის შემდეგ, სიტყვა „თათარი" მთლიანად თურქულენოვან ხალხთან ასოცირდებოდა. დღევანდელი აზერბაიჯანელების მიმართ ამ ტერმინის დამკვიდრებას ხელი რუსეთის იმპერიის კავკასიაში შემოსვლამ შეუწყო. ამიერკავკასიაში შემოსულებმა ენობრივი სიახლოვის გამო, აქაური თურქულენოვანი ხალხები „კავკასიელ თათრებად" ან „კავკასიელ მუსლიმებად" მოიხსენიეს, თუმცა თათრები თურქული მოდგმის ყივჩაღური შტოს წარმომადგენლები არიან და ოღუზ აზერბაიჯანელებთან ეთნიკურად ისეთი მიმართება აქვთ, როგორც მაგალითად, რუსებსა და სერბებს", ნათქვამია სტატიაში.

წყარო: tdi.ge