ქალზე მოძალადეს მორალური ზიანის ანაზღაურება დაევალა
თბილისი. პარტნიორობა ადამიანის უფლებებისთვის აქვეყნებს ბლოგპოსტს, რომლის თანახმადაც ქალზე მოძალადეს მორალური ზიანის ანაზღაურების ვალდებულება დაეკისრა.
„სასამართლომ გაიზიარა PHR-ის პოზიცია და პირველად საქართველოში, ოჯახის წევრის მიმართ განხორციელებული ფიზიკური ძალადობის ფაქტზე მოძალადეს მორალური ზიანის ანაზღაურება 3500 (სამი ათას ხუთასი) ლარის ოდენობით დააკისრა. სასამართლომ განმარტა, რომ მორალური ზიანის ანაზღაურებით დაცული არამატერიალური სიკეთე ადამიანის საყოველთაო უფლებებისა და თავისუფლების ნაწილია. „მორალური ზიანი" სულიერი გრძნობებისა და ურთიერთობების სფეროში მიყენებულ ზიანს გულისხმობს", ნათქვამია ორგანიზაციის ვებგვერდზე.
წყარო: phrgeorgia.wordpress.com
