ბლოგი: „უფრო მეტი, ვიდრე ფეხბურთი“
თბილისი. საქართველოს ახალგაზრდა იურისტთა ასოციაციის ხელმძღვანელი, სულხან სალაძე ფეხბურთელ გურამ კაშიას ირგვლივ მიმდინარე მოვლენებს ეხმაურება.
„საქართველოს ეროვნული ნაკრების და ქართული კლუბების შემყურემ მრავალი წლის წინ ავიღე ხელი ქართულ ფეხბურთზე. დიდი ალბათობით ერთა ლიგის წლევანდელი თამაშებიც უხმაუროდ ჩაივლიდა ჩემთვის და უკეთეს შემთხვევაში ტელეეკრანთან ვუყურებდი თამაშებს, რომ არა გურამის წინააღმდეგ დაწყებული ბინძური კამპანია. თუმცა, ამ კამპანიის თავში და ბოლოში მყოფმა ადამიანებმა იმდენი მოახერხეს, რომ დღეს სტადიონზე მივდივარ. მივდივარ და ვივლი მანამ, სანამ გურამ კაშია საქართველოს ნაკრებში ითამაშებს. თუნდაც ყველა თამაში ერთმანეთზე უარესი ანგარიშით წააგოს ნაკრებმა. გურამ კაშია, შენ უფრო მეტი მოიგე, ვიდრე ფეხბურთში შეიძლება მოიგო", - ვკითხულობთ სულხან სალაძის ბლოგში.
წყარო: ორგანიზაციის ვებგვერდი
