გურიის მოსწავლეთა ახალგაზრდული პარლამენტის შეხვედრა
გურია. 20 ოქტომბერს, ახალგაზრდა პედაგოგთა კავშირის ოფისში გურიის მოსწავლეთა ახალგაზრდული პარლამენტის პირველი შეხვედრა გაიმართა.
„შეხვედრის პირველი ნაწილი დაეთმო პარლამენტის კონცეფციისა და სტრუქტურის გაცნობას. მეორე სესიაზე პარლამენტის წევრებმა მოისმინეს სემინარი ბავშვის მონაწილეობის უფლების შესახებ და განიხილეს მოსწავლეთა თვითმართველობა, როგორც სასკოლო პროცესებში მონაწილეობის და ჩართულობის საშუალება", ნათქვამია ორგანიზაციის ვებგვერდზე სოციალურ ქსელში.
წყარო: ორგანიზაციის ვებგვერდი სოციალურ ქსელში
