EMC ხარაგაულის პოლიციაში მოქალაქეთა სავარაუდო ცემის ფაქტს ეხმაურება
თბილისი. „ადამიანის უფლებების სწავლებისა და მონიტორინგის ცენტრი" (EMC) იცავს ორი ახალგაზრდას ინტერესებს, რომელიც ხარაგაულის პოლიციას ფიზიკურ ძალადობაში ადანაშაულებს.
„ეს არ არის პირველი შემთხვევა, როცა ადგილობრივები ხარაგაულის პოლიციას ფიზიკურ ძალადობაში ადანაშაულებენ. ხარაგაულში მცხოვრები ამირან კვირიკაშვილის თვითმკვლელობის და მისი ძმის, არჩილ კვირიკაშვილის ცემის საქმეზე, სადაც ასევე იკვეთება პოლიციის სავარაუდო მონაწილეობა, ამ დრომდე გამოძიება დასრულებული არ არის", - ვკითხულობთ EMC-ის მიერ გავრცელებულ განცხადებაში, - „მნიშვნელოვანია, პროკურატურამ უზრუნველყოს გამოძიების ყოველმხრივი, სრული და ობიექტური წარმოება, რათა დროულად მოხდეს ყველა აუცილებელი მტკიცებულების მოპოვება".
წყარო: ორგანიზაციის ვებგვერდი
