თბილისი. ორგანიზაცია „ახალგაზრდა ადვოკატები" ე.წ. ელიავას ბაზრობის მოდერნიზაციის პროექტის პრეზენტაციას დაესწრო, რომელიც „სანაპირო საინვესტიციო ჯგუფის" ინიციატივითა და ავტორობით ჩატარდა.

„აღნიშნული კომპანია ე.წ. ელიავას ბაზრობის ტერიტორიის თითქმის ნახევრის მესაკუთრეა. მათ წარმოადგინეს პროექტი და ხედვა, თუ როგორ უნდა განვითარდეს და იქცეს ტერიტორია რეგიონულ მოლად. მათივე ცნობით, „სანაპირო საინვესტიციო ჯგუფს" მომზადებული აქვს რამდენიმე პროექტი. აღსანიშნავია, რომ აქედან ერთ-ერთი კონცეფცია - „ელიავა - რეგიონული მოლი", რომლის საფუძველზეც განვითარების რეგულირების გეგმა შექმნილი და თბილისის არქიტექტურის სამსახურს დამტკიცებული აქვს, 2016 წლის ზაფხულში დასამტკიცებლად საკრებულოსაც წარედგინა, თუმცა, ამ პროექტის განხილვა ამ დრომდე, არ მომხდარა", ნათქვამია ორგანიზაციის ვებგვერდზე.

წყარო: www.barristers.ge