ღია საზოგადოების ფონდი მხარს უჭერს სოციალურ მუშაკთა მოთხოვნებს
თბილისი. ღია საზოგადოების ფონდი მხარს უჭერს სოციალური მომსახურების სააგენტოს სოციალურ მუშაკთა საგაფიცვო მოთხოვნებს.
„მიგვაჩნია, რომ სოციალურ მუშაკთა მოთხოვნები ქვეყნის სოციალური დაცვის სისტემის გაუმჯობესებას ემსახურება. საგაფიცვო მოთხოვნების ჩამონათვალი მკაფიოდ აჩვენებს სოციალური დაცვის სისტემაში არსებულ ძირეულ პრობლემებს. ამასთანავე, განსაკუთრებით საგანგაშოა სოციალური დაცვის სისტემაში მომუშავე პროფესიონალთა შრომითი პირობები.
მოვუწოდებთ საქართველოს მთავრობასა და პარლამენტს გაითვალისწინონ სოციალურ მუშაკთა ლეგიტიმური მოთხოვნები. ამავე დროს, ფონდი მზადაა, საკუთარი მანდატის გათვალისწინებით, მხარი დაუჭიროს სოციალურ მუშაკთა გაძლიერებასა და პროფესიის განვითარებას", ნათქვამია ორგანიზაციის განცხადებაში.
წყარო: osgf.ge
