რეკომენდაცია მაღალმთიან სოფელში მცხოვრებ პირთა უფლებების დაცვასთან დაკავშირებით
თბილისი. მაღალმთიან სოფელში მცხოვრებ პირთა უფლებების დაცვასთან დაკავშირებით, საქართველოს სახალხო დამცველი მთავრობას რეკომენდაციით მიმართავს.
„მაღალმთიან რეგიონს წარმოადგენს ადიგენის მუნიციპალიტეტის სოფელი ქვაბიჯვარი, რომლის კუთვნილი 70 ათას კვადრატულ მეტრამდე სათიბი მიწა საქართველოს მთავრობამ საქართველოს სამოციქულო ავტოკეფალურ მართლმადიდებელ ეკლესიას უსასყიდლოდ გადასცა საკუთრებაში”, - აღნიშნულია რეკომენდაციაში, - „მაღალმთიანი სოფლის მოსახლეობის უფლებების დაცვის მიზნით, სახალხო დამცველმა 2019 წლის 25 ოქტომბერს რეკომენდაციით მიმართა საქართველოს პრემიერ-მინისტრს და მოითხოვა განაახლოს მიღებულ გადაწყვეტილებასთან დაკავშირებული წარმოება, სრულად ან ნაწილობრივ ბათილად ცნოს იგი და მიიღოს ახალი, დასაბუთებული გადაწყვეტილება, საქმის გარემოებების ყოველმხრივ და სრულყოფილად გამოკვლევის საფუძველზე“.
წყარო: ombudsman.ge
