TI: ალექსანდრე ჭიკაიძის საეჭვო გამდიდრება გამოძიებას საჭიროებს
თბილისი. საერთაშორისო გამჭვირვალობა - საქართველო (TI) მიიჩნევს, რომ შსს-ს ყოფილი მინისტრმა, ალექსანდრე ჭიკაიძემ დიდი რაოდენობით უძრავი ქონება საეჭვო გარემოებებში დააგროვა.
„შინაგან საქმეთა ყოფილმა მინისტრმა ალექსანდრე ჭიკაიძემ 2017 წლის ბოლოს საჯარო სამსახურის დატოვების შემდეგ დიდი რაოდენობით უძრავი ქონება საეჭვო გარემოებებში დააგროვა“, - ნათქვამია ორგანიზაციის მიერ გავრცელებულ ინფორმაციაში, - „ყოფილი თანამდებობის პირის სწრაფი გამდიდრება თავისთავად აღძრავს ეჭვებს ამ პროცესის კანონიერებასთან დაკავშირებით. გარდა ამისა, სხვადასხვა თანამდებობაზე ყოფნის დროს ალექსანდრე ჭიკაიძე არაკეთილსინდისიერად ავსებდა ქონებრივი მდგომარეობის დეკლარაციებს“.
წყარო: https://transparency.ge
