გამჭვირვალობამ და სამოქალაქო საბჭოებმა ზუგდიდის საკრებულოს პეტიციით მიმართეს
სამეგრელო. „საერთაშორისო გამჭვირვალობა - საქართველოს“ ზუგდიდის ოფისის და ორგანიზაციის სამოქალაქო საბჭოების წევრების ორგანიზებით, ზუგდიდის საკრებულოს პეტიციით მიმართეს. პეტიციით 634 ადგილობრივი მოქალაქე სოფლებში ცვანესა და ერგეტაში საავტომობილო გზის მოასფალტებას და გარეგანათების მოწყობას ითხოვს.
„იმედი გვაქვს, რომ ხობისა და ზუგდიდის მუნიციპალიტეტები 2021 წლის ბიუჯეტების დაგეგმვისას გაითვალისწინებენ ადგილობრივი მოსახლეობის მიერ გამოვლენილ პრობლემებს“, ნათქვამია ორგანიზაციის გვერდზე სოციალურ ქსელში.
წყარო: ორგანიზაციის გვერდი სოციალურ ქსელში
