გარდაბნის მუნიციპალიტეტის მერია უკანონოდ გათავისუფლებულ თანამშრომელს კომპენსაციას გადაუხდის
ქვემო ქართლი. საქართველოს ახალგაზრდა იურისტთა ასოციაციის ინფორმაციით, 3 წლიანი სასამართლო დავა სამსახურიდან უკანონოდ გათავისუფლებული ქალის სასარგებლოდ დასრულდა.
„სასამართლოს გადაწყვეტილებით, გარდაბნის მუნიციპალიტეტის მერიას უკანონოდ გათავისუფლებული თანამშრომლის სასარგებლოდ კომპენსაციის გადახდა დაეკისრა. მოპასუხე ადმინისტრაციულმა ორგანომ შტატგარეშე თანამშრომელთან დადებული შრომითი ხელშეკრულება 2017 წლის დეკემბერს შეწყვიტა. ხელშეკრულების შეწყვეტის საფუძვლად გარდაბნის მუნიციპალიტეტის მერიამ ,,სხვა ობიექტური გარემოება“ მიუთითა, თუმცა, ვერ დაასაბუთა გათავისუფლების რეალური საფუძველი“, ნათქვამია ორგანიზაციის ვებგვერდზე.
წყარო: gyla.ge
