სამეგრელო. ზუგდიდში მოქმედი არასამთავრობო ორგანიზაციის, ახალგაზრდა ფსიქოლოგთა და ექიმთა ასოციაცია „ქსენონის"ინიციატივით, 23 აპრილს, დემოკრატიული ჩართულობის ცენტრში, C ჰეპატიტის მკურნალობასთან დაკავშირებულ პრობლემებზე და პერსპექტივებზე ისაუბრეს. ორგანიზაციის ხელმძღვანელის ნინო ჯანაშიას თქმით, დღეს ინფიცირებულთა შესახებ ერთიანი, სანდო სტატისტიკური მონაცემები არ არსებობს.  200 000 ადამიანი არასრული ციფრია, რაც მოსახლეობის 6,7%–ს შეადგენს. მისივე ინფორმაციით, მიმდინარეობს მსჯავრდებულთათვის C ჰეპატიტის პრევენციის, დიაგნოსტიკის და მკურნალობის შემუშავება.