მაკ-ი და მშობლის სკივრი ცერებრული დამბლის მქონე ბავშვთა მშობლების თვითდახმარების ჯგუფს შექმნის
თბილისი. მაკ-ი კარგად აცნობიერებს მშობლების ამ საჭიროებას და იწყებს ცერებრული დამბლის მქონე მშობელთა თვითდახმარების ჯგუფის შექმნას.
„შეზღუდული შესაძლებლობის მქონე ბავშვების მშობლები ყოველდღიურად აწყდებიან უამრავ გამოწვევას, რაც ხშირად განპირობებულია ბავშვის კონკრეტული სამედიცინო დიაგნოზით. იმისთვის, რომ მშობლებმა წარმატებით გაართვან თავი ამ გამოწვევებს, სპეციალისტებისა და შესაბამისი სერვისების პარალელურად მნიშვნელოვანია მსგავსი გამოცდილების მქონე მშობლებთან საკუთარი აზრების გაზიარება და საუბარი.
თუ თქვენ ხართ 18 წლამდე ასაკის ცერებრული დამბლის მქონე ბავშვის მშობელი, გაქვთ წვდომა ინტერნეტზე და შესაძლებლობა ჩაერთოთ თვითდახმარების ჯგუფში ონლაინ პლატფორმის (ზუმის - zoom) გამოყენებით მინიმუმ 2 (ორ) კვირაში ერთხელ, მაშინ მიჰყევით ბმულს და შეავსეთ განაცხადი 18 მაისის ჩათვლით“.
წყარო: ორგანიზაციის ვებგვერდი სოციალურ ქსელში
