მარცხი - ნაბიჯი წარმატებისკენ: მეწარმე ქალების გამოცდილება Fuckup Nights-ზე
აჭარა. 26 ივლისს, ბათუმში, გაეროს ქალთა ორგანიზაციის მხარდაჭერით, მეწარმე ქალებმა აუდიტორიას საკუთარი გამოცდილება Fuckup Nights-ის პოპულარული ფორმატით გაუზიარეს - როგორია მარცხი, რომელიც სინამდვილეში წარმატებისკენ ნაბიჯის გადადგმასა და მნიშვნელოვან მოტივაციას ნიშნავს.
„ღონისძიებაში, რომელიც სტარტაპ ბიუროს მიერ იყო ორგანიზებული, 4 მეწარმე ქალი მონაწილეობდა. ისტორიებით, რომლებიც მათ დამსწრეებს უამბეს, კიდევ ერთხელ წარმოაჩინეს საქმიანობისას გადალახული წინაღობები და შეეცადნენ, ამ მაგალითებით მოტივაცია სხვა ქალებისთვისაც მიეცათ. სპიკერების გამოსვლების შემდეგ კი პანელური დისკუსია გაიმართა, რომლის დროსაც მეწარმე ქალებმა აუდიტორიის შეკითხვებსაც უპასუხეს“.
წყარო: georgia.unwomen.org
