სოლიდარობის პლატფორმის წევრები სოფელ ზინობიანს ესტუმრნენ
კახეთი. სოლიდარობის პლატფორმის წევრები ყვარლის მუნიციპალიტეტის სოფელ ზინობიანში იმყოფებოდნენ, სადაც საქართველოს უდიური თემი ცხოვრობს.
„უდიები კავკასიის ალბანელების შთამომავლები არიან და მრავალსაუკუნოვან ისტორიას და კულტურას ატარებენ. საქართველოს უდიური თემი ზინობიანში 1920-იანი წლებიდან ცხოვრობს.
მოსახლეობის თქმით, სოფელში ბაზისური ინფრასტრუქტურა სუსტად არის განვითარებული. სოფელში მოშლილია სასმელი წყლის სისტემა და მოსახლეობას მხოლოდ ტექნიკური წყალი და ისიც გრაფიკით მიეწოდება. პრობლემურია სოფლის შიდა გზებიც. სოფლის საძოვრები და ზინობიანის ტბის მიმდებარე ტერიტორია გასხვისებულია კერძო პირზე, რაც სოფლის მეურნეობაში ჩართულ ადგილობრივებს დიდ სირთულეებს უქმნის“.
წყარო: ორგანიზაციის გვერდი სოციალურ ქსელში
