„საზოგადოებრივი მონიტორინგი თვითმმართველობის გამჭვირვალობისთვის“
თბილისი. კავკასიის ეკონომიკურo და სოციალური კვლევითი ინსტიტუტი ახორციელებს პროექტს „საზოგადოებრივი მონიტორინგი თვითმმართველობის გამჭვირვალობისთვის". პროექტი ითვალისწინებს დასავლეთ საქართველოს თვითმმართველ ქალაქებში არსებული არასამთავრობო და მედია ორგანიზაციებისთვის მონიტორინგის გამოცდილების გაზიარებას და ამ გზით რეგიონებში თვითმმართველობის საქმიანობის მონიტორინგის ეფექტიანობის ხელშეწყობას. პროექტის ლოკაციებს წარმოადგენს თვითმმართველი ქალაქები: ბათუმი, ფოთი და ქუთაისი. პროექტის ხანგძლივობა შეადგენს 9 თვეს და ხორციელდება დემოკრატიის მხარდაჭერის ეროვნული ფონდის (NED) ფინანსური მხარდაჭერით.
