განცხადება ჰოლოკოსტის ხსენების საერთაშორისო დღესთან დაკავშირებით
თბილისი. სახალხო დამცველი ნინო ლომჯარია ჰოლოკოსტის მსხვერპლთა ხსოვნის საერთაშორისო დღეს განცხადებით ეხმაურება.
„ეს დღე შეგვახსენებს, თუ რა შედეგებამდე შეიძლება მიგვიყვანოს ეთნიკური კუთვნილების, რელიგიისა თუ სხვა განმასხვავებელი ნიშნების საფუძველზე წარმოშობილმა შეუწყნარებლობამ, შევიწროებამ, ძალადობამ, სიძულვილმა.
სახალხო დამცველი კიდევ ერთხელ მიუთითებს საზოგადოებას, რომ განსხვავებულისადმი შემწყნარებლური დამოკიდებულება, თანასწორობის მხარდამჭერი განცხადებები და სტერეოტიპული განწყობების შემცირება დაგვეხმარება როგორც სხვადასხვა ჯგუფის თანასწორუფლებიანობის უზრუნველყოფაში, ისე - მშვიდობისა და უსაფრთხოების შენარჩუნებაში“.
წყარო: ombudsman.ge
