საქართველოს სახალხო დამცველი მთავრობას მოუწოდებს
თბილისი. ომბუდსმენი ნინო ლომჯარია მთავრობას მოუწოდებს, უკრაინას მზრუნველობამოკლებული ბავშვების დროებით, ვითარების გამოსწორებამდე საქართველოში განთავსება შესთავაზოს.
თავის მხრივ, სახალხო დამცველი და მისი გუნდი გამოთქვამს აღნიშნულ პროცესში ჩართვის მზაობას, როგორც დროებითი მიმღები ოჯახების მოძიება/შეფასებისა და მონიტორინგის, ასევე, გამოკვეთილი საჭიროებისამებრ, მრავალმხრივი მოხალისეობრივი საქმიანობის კუთხით.
ომბუდსმენი და მისი თანამშრომლები, უშუალოდ უკრაინის ადამიანის უფლებათა საპარლამენტო კომისრისგან, ევროპის ბავშვთა ომბუდსმენთა ქსელისგან (ENOC) და მის მიღმა აქტიურად იღებენ ინფორმაციას უკრაინაში არსებული ვითარების, მათ შორის, ბავშვთა უფლებრივი მდგომარეობის შესახებ.
წყარო: ombudsman.ge
