ჰააგის სასამართლო ოსი მაღალჩინოსნების დაპატიმრებას ითხოვს
თბილისი. ჰააგის სისხლის სამართლის საერთაშორისო სასამართლოს პროკურორმა 2008 წლის ომის საქმეზე ოსი მაღალჩინოსნების დაპატიმრება მოითხოვა.
„საქართველოს კოალიცია სისხლის სამართლის საერთაშორისო სასამართლოსათვის“ მიესალმება პროკურორი ხანის გადაწყვეტილებას 3 პირის მიმართ დაკავების განჩინებების გამოცემის მოთხოვნის წარდგენის თაობაზე.
კოალიცია მოუწოდებს:
„სისხლის სამართლის საერთაშორისო სასამართლოს წინასასამართლო პალატას - გონივრულ ვადაში განიხილოს პროკურორის მოთხოვნა განჩინებების გამოცემასთან დაკავშირებით;
სისხლის სამართლის საერთაშორისო სასამართლოს პროკურორის ოფისს და რომის სტატუტის წევრ სახელმწიფოებს - განჩინებების დაკმაყოფილების შემთხვევაში, ეფექტიანად იმოქმედონ მათ აღსასრულებლად.
აღსანიშნავია, რომ „უფლებები საქართველო“ აქტიურად იყო ჩართული ჰააგის საერთაშორისო სასამართლოსთვის რუსეთის აგრესიის დამადასტურებელი ფაქტებისა და მტკიცებულებების მიწოდების პროცესში“.
წყარო: rights.ge
