PHR ონკოდაავადების მქონე ბავშვებისთვის დაფინანსებას გაზრდას ითხოვს
თბილისი. თბილისის საქალაქო სასამართლომ წარმოებაში მიიღო პარტნიორობა ადამიანის უფლებებისთვის სარჩელი, რომლითაც ორგანიზაცია ონკოდაავადების მქონე ბავშვებისთვის სახელმწიფო დაფინანსების გაზრდას მოითხოვს.
PHR-ი სარჩელით ითხოვს:
- ბავშვების საქართველოში მკურნალობა დაფინანსდეს სრულად;
- ბავშვების საზღვარგარეთ მკურნალობა დაფინანსდეს სრულად;
- იყოს შესაძლებელი მეორე აზრის მოპოვება ქვეყანაში, რაც გულისხმობს მინიმუმ კიდევ ერთი სპეციალისტის (ექიმის) არსებობას;
- გაიზარდოს კლინიკების გეოგრაფიული მისაწვდომობა (რაც გულისხმობს რეგიონებში ონკოცენტრების გახსნას), რათა ოჯახებს არ დაშორდნენ ბავშვები და არ მოუწიოთ დედაქალაქში გადასვლა.
წყარო: ორგანიზაციის გვერდი სოციალურ ქსელში
