აფგან მუხთარლიმ თბილისში პრესკონფერენცია გამართა
თბილისი. 27 სექტემბერს, აზერბაიჯანელმა ჟურნალისტმა აფგან მუხთარლიმ თბილისში პრესკონფერენცია გამართა და ხუთი წლის წინ საქართველოს დედაქალაქიდან თავისი გატაცების საქმეზე მიმდინარე გამოძიებაზე ისაუბრა.
„მუხთარლიმ მისი გატაცების ორგანიზებისათვის პასუხისმგებლობა საქართველოსა და აზერბაიჯანის უმაღლესი ხელისუფლების წარმომადგენლებს დააკისრა. მანვე მოითხოვა, რომ საქართველოს პრემიერ-მინისტრმა ირაკლი ღარიბაშვილმა უფლებამოსილება შეუჩეროს შინაგან საქმეთა მინისტრს ვახტანგ გომელაურს, ვიდრე ჟურნალისტის გატაცების საქმის გამოძიება არ დასრულდება.
მუხთარლის ინტერესებს 2017 წლიდან დღემდე თბილისის ადამიანის უფლებათა სახლი და ორგანიზაცია „უფლებები საქართველო“ იცავენ არა მხოლოდ ადგილობრივ დონეზე, არამედ ევროსასამართლოშიც“.
წყარო: rights.ge
