გამოხმაურება ადიგენში განვითარებულ მოვლენებზე
სამცხე–ჯავახეთი. სოციალური სამართლიანობის ცენტრი და სოლიდარობის თემი ეხმიანებიან დაბა ადიგენში განვითარებულ მოვლენებს და სახელმწიფოს რელიგიის თავისუფლების და რელიგიული თანასწორობის უზრუნველსაყოფად ქმედითი ნაბიჯების გადადგმისკენ მოუწოდებენ.
„აღსანიშნავია, რომ ეს არ არის ადიგენის მუნიციპალიტეტში ქართველი მუსლიმი თემის უფლებების შეზღუდვის პირველი შემთხვევა. ქართველი მუსლიმი თემი უკვე 10 წელზე მეტია ფიზიკური, სოციალური და სიმბოლური ძალადობის, დისკრიმინაციისა და შევიწროების გამოცდილებებს აწყდება“, ნათქვმია განცხადებაში.
ორგანიზაციები მიმართავენ სამართალდამცავ ორგანოებს, პროკურატურას, საქართველოს მთავრობას გამოძიების დაწყების და აუცილებელი ინკლუზიური პოლიტიკის წარმართვის საკითხებზე.
წყარო: სოციალური სამართლიანობის ცენტრი
