იმერეთი. 27 ივლისს, ტურიზმის განვითარების პერსპექტივებზე, ქუთაისის დემოკრატიული ჩართულობის ცენტრში საჯარო დისკუსია გაიმართა. შეხვედრის მიზანი ტურიზმის განვითარების ძირითადი მიმართულების შესახებ მოქალაქეების ინფორმირება და ამ კუთხით პრობლემური საკითხების გადაწყვეტა იყო. დისკუსიაში მონაწილეობა ქუთაისის მერიის ეკონომიკური პოლიტიკისა და სტრატეგიული განვითარების სამსახურის თანამშრომლებმა, საზოგადოებრივმა ორგანიზაციებმა, ტურისტულმა სააგენტოებმა და მედიის წარმომადგენლებმა მიიღეს. შეხვედრა ინტერაქტიულ რეჟიმში წარიმართა.