იმერეთი. „საერთაშორისო გამჭვირვალობა საქართველომ" ახალი პროექტის პრეზენტაცია გამართა 30 ივლისს, ქუთაისში, დემოკრატიული ჩართულობის ცენტრში. ორგანიზაციის კვლევების მიხედვით გამოიკვეთა რეგიონალურ მედიასა და თვითმმართველობებს შორის ურთიერთობებიის პრობლემები. ასევე მნიშვნელოვანია საჯარო ინფორმაციაზე დროული ხელმისაწვდომობის საკითხი, რაც ხელს უშლის მედიას დროულად მოახდინოს ამა თუ იმ სიახლეზე რეაგირება. სწორედ ამ საკითხებზე იყო საუბარი შეხვედრაზე, რომელსაც ქუთაისში მომუშავე სხვადასხვა საზოგადოებრივი ორგანიზაციების, პოლიტიკური პარტიებისა და მედიის წარმომადგენლები ესწრებოდნენ.