კახეთი. 5 ოქტომბერს სიღნაღის მუნიციპალიტეტის სოფელ ნუკრიანში, „ხალხური რეწვის, კულინარიისა და შემოქმედების ფესტივალი-ნუკრიანი 2013" გაიმართა. ფესტივალზე წარმოდგენილი იყო მუნიციპალიტეტში მოქმედი ხალხური რეწვის სახელოსნოების და ინდივიდუალური ოსტატების პროდუქცია, ეთნოგრაფიული კუთხე, ჩატარდა ფოლკლორული ანსამბლების კონცერტი. გაიმართა ადგილობრივი სასოფლო-სამეურნეო პროდუქციის გამოფენა-გაყიდვა (აგრობაზარი); ტრადიციული ქართული კულინარიის სამზარეულო;  ადგილობრივი ღვინისა და ბიოლოგიურად სუფთა ღვინის გაყიდვა; მოეწყობა  სპორტული ღონისძიებები; ძველი ქართული საბრძოლო ხელოვნება „ხრიდოლი"; ფოტოების გამოფენა – გაყიდვა.

ფესტივალის  მხარდამჭერები Diakonisches  Werk der EKD, BfdW, Deutschland; საქართველოს კულტურისა და ძეგლთა დაცვის სამინისტრო; კულტურულ ურთიერთობათა ცენტრი-კავკასიური სახლი; სათემო განვითარების ცენტრი; სათემო ორგანიზაცია ნუკრიანი; ფონდი „ღია საზოგადოება-საქართველო"; სიღნაღის მუნიციპალიტეტის გამგეობა; 

ღონისძიების მიზანია, ხელი შეუწყოს სიღნაღის მუნიციპალიტეტის სოფლებში ტურისტული პროცესების გააქტიურებას, კულტურული სერვისების გაუმჯობესებას, ადგილობრივი სახელოსნოების და ხალხური რეწვის პროდუქციის პოპულარიზაციას. 

ფესტივალი 2009 წლიდან ტრადიციულად ყოველი წლის ოქტომბერში იმართება.