იმერეთი. 16 ნოემბერს, ქუთაისის ახალგაზრდულმა ცენტრმა ტოლერანტობის საერთაშორისო დღე საინფორმაციო კამპანიით აღნიშნა. აქციის მონაწილეთა მთავარი მოწოდება იყო: „ვიყოთ ტოლერანტები!". ახალგაზრდებმა საინფორმაციო პოსტერები მოამზადეს და ქალაქის ცენტრალურ ქუჩებში მსვლელობა მოაწყვეს. კამპანიის მიზანს წარმოადგენდა მოსახლეობის ინფორმირება ტოლერანტობის საერთაშორისო დღესთან დაკავშირებით. 

ღონისძიება ორგანიზებული იქნა „საქართველოში ეროვნული ინტეგრაციის გაძლიერების" პროექტის (ANI) ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) მხარდაჭერით. 

წყარო:ორგანიზაციის გვერდი სოციალურ ქსელში