აჭარა. ორგანიზაცია „Micro–ფონი" ახორციელებს პროექტს „Mobi–ვალი", რომლის ფარგლებში აჭარის მაღალმთიანი რეგიონების 10 საჯარო სკოლაში გაიმართება საბავშვო სპექტაკლი. გურამ პეტრიაშვილის ზღაპრის მიხედვით დადგმული სპექტაკლი „უცნაური მხატვარი" ჩრდილების თეატრის სპეციფიკით არის დადგმული (რეჟისორი გიორგი ქათამაძე). ღონისძიება ასევე მოიცავს ინტერაქტიურ ფორმატს: სტუდენტები ბავშვებთან ერთად გამართავენ სპექტკლის თემატიკის ირგვლივ დისკუსიას. სპექტაკლები გაიმართება 3–15 დეკემბერს.

პროექტი ხორციელდება აჭარის განათლების, კულტურის და სპორტის სამინისტროს „თავისუფალი პროექტების" პროგრამის ფარგლებში. პროექტის პარტნიორია ბათუმის ხელოვნების სასწავლო უნივერსიტეტი.