ბათუმი. აჭარის ფინანსთა და ეკონომიკის სამინისტრომ 2013 წლის საქმიანობის შეჯამება და 2014 წლის სამოქმედო გეგმის პრეზენტაცია გამართა. შეხვედრას საკანონმდებლო და აღმასრულებელი ხელისუფლების, თვითმმართველობების, არასამთავრობო სექტორისა და რეგიონში მოქმედი საერთაშორისო და მედია ორგანიზაციების წარმომადგენლები ესწრებოდნენ. ღონისძიებისას სამინისტროს წარმომადგენლებმა ისაუბრეს როგორც გასული წლის გამოწვევებსა და მიღწევებზე, ასევე მიმდინარე და 2014 წელს დაგეგმილი პროექტების შესახებ. პრეზენტაციის ბოლო ნაწილში მოწვეულ სტუმრებს კითხვის დასმისა და თავიანთი აზრისა თუ შენიშვნების გამოთქმის საშუალება მიეცათ.