სახალხო დამცველმა მთავარ პროკურორს წინადადებით მიმართა
თბილისი. 18 მარტს საქართველოს სახალხო დამცველმა წინადადებით მიმართა მთავარ პროკურორს დაიწყოს გამოძიება პოლიციის თანამშრომლების მხრიდან ბრალდებულ ბ.კ.-ს მიმართ განხორციელებულ შესაძლო დანაშაულებრივ ქმედებებთან დაკავშირებით.
„საქართველოს სახალხო დამცველი მიიჩნევს, რომ სამართალდამცავი ორგანოების თანამშრომლების ქმედებები შესაძლოა შეიცავდეს საქართველოს სისხლის სამართლის კოდექსით გათვალისწინებულ დანაშაულის ნიშნებს, რის გამოც წინადადებით მიმართავს მთავარ პროკურორს დაიწყოს გამოძიება აღნიშნულ ფაქტებთან დაკავშირებით", ნათქვამია სახალხო დამცველის ვებგვერდზე.
წყარო: ombudsman.ge
