თბილისი. ქალთა საინფორმაციო ცენტრი ღია წერილით მიმართავს პრემიერ მინისტრის თანაშემწეს ადამიანის უფლებებისა და გენდერული თანასწორობის საკითხებში, თამარ ჩუგოშვილს, გენდერული თანასწორობის საპარლამენტო საბჭოს თავმჯდომარეს, მანანა კობახიძეს.

მიმართვის საგანია პრემიერ მინისტრის ინიციატივა, რომელიც ითვალისწინებს კონსტიტუციით განისაზღვროს ოჯახის არსი და რომ ოჯახი არის ქალისა და მამაკაცის ერთობა.

„მიგვაჩნია, რომ ამ ჩანაწერით შეიზღუდება საზოგადოების გარკვეული ნაწილის, მათ შორის, მარტოხელა დედების კონსტიტუციური უფლება, ვინაიდან, სწორედ სახელმწიფოს მოვალეობაა უზრუნველყოს დედათა და ბავშვთა უფლებების დაცვა და ხელი შეუწყოს ოჯახის კეთილდღეობას", ნათქვამია მიმართვაში.

წყარო: ginsc.net