თბილისი. ინფორმაციის თავისუფლების განვითარების ინსტიტუტმა (IDFI) გამოაქვეყნა ბლოგი სახელწოდებით: „ზეწოლა თუ კეთილი ნება? – იუსტიციის სახლების მშენებლობა".

„2005 წელს დაბადებული იდეა, „ერთი სარკმლის პრინციპი", რაც გულისხმობს ერთი რომელიმე უწყების მიერ გაცემული ცნობის მიღებას ერთ ადგილას, 2011 წელს პირველად სისრულეში მოვიდა და წელიწად ნახევრის განმავლობაში საქართველოს სხვადასხვ რეგიონში გაიხსნა თანამედროვე ტექნოლოგიებით აღჭურვილი თორმეტი იუსტიციის სახლი.

წინამდებარე კვლევის ფარგლებში IDFI შეეცადა გამოერკვია 2011 წლის ყველაზე წარმატებულ რეფორმად აღიარებული იუსტიციის სახლების მშენებლობაზე გახარჯული თანხების, დაფინანსების წყაროების და სამუშაოების შემსრულებელი კომპანიების შესახებ ინფორმაცია" ნათქვამია ორგანიზაციის საჯარო ინფორმაციის ანალიტიკურ ბლოგზე.

წყარო: opendatablog.wordpress.com