თბილისი. სააპელაციო სასამართლომ 29 აპრილს ძალაში დატოვა საქალაქო სასამართლოს გადაწყვეტილება, რომლითაც თბილისის მერია ვალდებულია მიწოდოს მოთხოვნილი ინფორმაცია media.ge-ს. კერძოდ, „Media.Ge-მ მერიისგან საჯარო ინფრომაცია მედიასაშუალებებში გადარიცხული თანხების შესახებ გასული წლის 20 თებერვალს გამოითხოვა. მერიამ გამოცემას მხოლოდ რამდენიმე მედიასაშუალებაში გადარიცხული თანხების შესახებ აცნობა. ინფორმაციის არასრულად გაცემა Media.Ge-მ თბილისის საქალაქო სასამართლოში გაასაჩივრა და პროცესი მოიგო. მერიამ ინფორმაცია მაინც არ გასცა და საქალაქო სასამართლოს გადაწყვეტილება სააპელაციო სასამართლოში გაასაჩივრა.... სააპელაციო სასამართლომ ძალაში დატოვა საქალაქო სასამართლოს გადაწყვეტილება, რომლითაც მერია ვალდებულია მოთხოვნილი ინფორმაცია გასცეს", იუწყება media.ge.

წყარო: media.ge